Skip to main content
bannerra
Nahieran Ikusteko.tv

GUREAN GAUR: Ipar Euskal Herriko diputatuen ordezkaritzak EPPKrekin interlokuzio kanala ireki du


Larunbatean Parisen egin beharreko manifestazioaren atarikoek albiste ugari utzi dizkigute. Izan ere, Reau-ko espetxearen atarian jende andana bildu da gaur bertatik Frantziar Estatuko hiriburura presoen auzia konponbidean jartzeko eskakizuna eramateko asmoz. Bertan, Ipar Euskal Herriko diputatuen ordezkaritza bat dago eta Reauko kartzelan EPPK-ren mintzakide diren Maixol Iparragirre eta Mikel Albisurekin elkartu dira Vincent Bru zentrista, Max Brisson errepublikanoa eta Jose Bove ekologista. Pozik atera dira bilkuratik eta ondoren Fleuryko espetxera abiatu dira. Bertan, Irati Elizalde, Nekane Zinkunegi eta Eñaut Gantxegi lankideek xehetasun guztiak ekarri dizkigute. Bestalde, Durangoko Azokaren bigarren egunean, ikasleak protagonista. Sormenaren lurraldean, Berri Txarrak, Joseba Irazoki, Izaro Andres, Maider Zabalegi edo Governors taldearekin egoteko beta izan dugu.


Bereziak

Egun intentsua Durangon, ikasle eta gazte ugariren etorrerak dinamismo berezia eskaini dio gaurkoari. Hamaika Telebistan, protagonista ezberdinekin, Landakora hurbildu diren herritarrak, Bas(h)oan proiektuko Joseba Irazoki, Beñat eta Julen Achiary, Berri Txarrak taldea eta bere "Infrasoinuak", Izaro Andres, Maider Zabalegi edo bart Plateruena Kafe Antzokian jo zuten Governors arrasatearrak. Egunero, Durangoko Azokan, sormenaren telebista gara.


Gurean Gaur

Azken asteetan, asko izan dira larriki gaixorik dagoen Ibon Iparragirre libre uzteko egindako mobilizazioak. Azkena, Durangoko Azokaren testuinguruan, Santa Ana plazan egindakoa. Mediku, senide eta bizilagunek salatu dutenez ondarruko presoaren egoera muturrekoa da eta "edozein momentutan hil daiteke".

Bereziak

Josu Truebak eta Gari Garaialdek 2012an martxan jarritako proiektua da Kaxa Hutsak. Euskal errefuxiatuek bizi duten egoera ikus-entzunezko proiektu batean bilduz. Aurtengo Durangoko Azokan egon dira eta eurekin egoteko beta izan dugu.


Bereziak

Joseba Irazoki, Beñat Achiary eta Julen Achiary musikariek Bas(h)oan proiektua aurkezten ari dira Durangoko Azokan. Elkar argitaletxearen postuetako batean eurekin hitz egiteko aukera izan dugu. Lan honetan, Itxaro Borda idazlearen letrak izan dituzte bidelagun, baita Jules Rosseau eta Mikel Azpirozen kolaborazioak, baxuan zein teklatuetan. Horrekin batera, Ramon Zabalegi artistak diseinatu du diskoaren liburuxka.